സ്വകാര്യ ബസിലെ ഡ്രൈവറുടെ പക്കല്‍ നിന്ന് എംഡിഎംഎ പിടികൂടി.കൊടുങ്ങല്ലൂരില്‍ നിന്ന് യാത്രക്കാരുമായി പുറപ്പെട്ട ബസ്സാണ് ഡിവൈഎസ്പി സലീഷ് ശങ്കരന്റെ നേതൃത്വത്തില്‍ സ്‌പെഷ്യല്‍ സ്‌ക്വാഡും ഡാന്‍സാഫും ചേര്‍ന്ന് അറസ്റ്റ് ചെയ്തത്. മേത്തല കുന്നംകുളം സ്വദേശി വേണാട്ട് ഷൈന്‍ (24)നാണ് അറസ്റ്റില്‍.
പതിമൂന്ന് പൊതികളിലായി നിന്നാണ് മാരക മയക്കുമരുന്ന് പിടികൂടിയത്. കൊടുങ്ങല്ലൂര്‍ — പറവൂര്‍ റൂട്ടിലാണ് അഖില മോള്‍ എന്ന ബസ് സര്‍വീസ് നടത്തുന്നത്. ഷൈന്‍ ഈ ബസിലെ ഡ്രൈവറാണ്. രഹസ്യവിവരത്തെ തുടര്‍ന്ന് വടക്കെ നടയില്‍ വെച്ച് പൊലീസ് പരിശോധന നടത്തുകയായിരുന്നു.
ബസില്‍ നിന്ന് ഒരു പൊതിയും ഷൈനിനെ ദേഹപരിശോധന നടത്തിയപ്പോഴാണ് ബാക്കി പന്ത്രണ്ട് പൊതികള്‍ കൂടി കണ്ടെടുത്തത്.ബാംഗ്ലൂരില്‍ നിന്നാണ് എംഡിഎംഎ കൊണ്ടുവന്നതെന്ന് പ്രതി പൊലീസിനോട് സമ്മതിച്ചു. ഇത് രണ്ടാം തവണയാണ് കൊടുങ്ങല്ലൂരില്‍ സ്വകാര്യ ബസ് ജീവനക്കാരില്‍ നിന്ന് എംഡിഎംഎ പൊലീസ് പിടികൂടുന്നത്.
English Summary:Deadly drug seized from private bus driver
You may also like this video
