യുവസംവിധായിക നയന സൂര്യയുടെ മരണത്തില്‍ പുനരന്വേഷണം വേണമെന്ന് ആവശ്യപ്പെട്ട് കുടുംബം രംഗത്ത്. നയന സൂര്യയുടെ മരണം സ്വാഭാവിക മരണമാകാമെന്നാണ് പൊലീസ് തങ്ങളോട് പറഞ്ഞതെന്നാണ് കുടുംബം ആരോപിക്കുന്നത്. കടുത്ത പ്രമേഹരോഗയായിരുന്ന നയന അസുഖത്തെ തുടര്‍ന്ന് ആരും നോക്കാനില്ലാതെ മരിച്ചുവെന്നാണ് കരുതിയത്. ഇപ്പോള്‍ തങ്ങള്‍ക്ക് ചില സംശയങ്ങളുണ്ട്. പോസ്റ്റ്‌മോര്‍ട്ടം റിപ്പോര്‍ട്ടിലെ ചില പരാമര്‍ശങ്ങള്‍ ദുരൂഹത സൃഷ്ടിക്കുന്നുണ്ട്’, ബന്ധുക്കള്‍ പറഞ്ഞു.
കൊല്ലം ആലപ്പാട് സ്വദേശിനി നയന 2019 ഫെബ്രുവരി 24നാണ് തിരുവനന്തപുരം ആല്‍ത്തറയിലുള്ള വാടകവീട്ടില്‍ വെച്ച് മരിച്ച നിലയില്‍ കണ്ടെത്തിയത്. മരണം സംഭവിച്ച് മൂന്ന് വര്‍ഷം കഴിഞ്ഞ ശേഷം പോസ്റ്റ്‌മോര്‍ട്ടം റിപ്പോര്‍ട്ടിലെ ചില വിവരങ്ങള്‍ പുറത്തുവന്നതോടെ നയനയുടെ സുഹൃത്തുക്കള്‍ പരാതിയുമായി രംഗത്തെത്തിയത്.
English Summary: Death of Nayana Surya; The family wants a retrial
You may also like this video
