യുവാവിന്റെ ആക്രമണത്തിൽ ഡൽഹി മുഖ്യമന്ത്രിക്ക് പരിക്ക്; സംഭവം ജനസമ്പർക്ക പരിപാടിക്കിടയിൽ

ജനസമ്പർക്ക പരിപാടിയിൽ പരാതി നൽകാനെന്ന വ്യാജേനയെത്തിയ യുവാവിന്റെ ആക്രമണത്തിൽ ഡൽഹി മുഖ്യമന്ത്രി രേഖാ ഗുപ്‌തക്ക് പരിക്ക്. സംഭവത്തിൽ ഒരു യുവാവിനെ ഡൽഹി പൊലീസ് അറസ്റ്റ് ചെയ്തു. ഇയാൾ മുഖ്യമന്ത്രിയെ മർദ്ദിക്കുകയായിരുന്നുവെന്നാണ് വിവരം. അതേസമയം, ആക്രമണത്തിൽ പരിക്കേറ്റ മുഖ്യമന്ത്രിയെ ആശുപത്രിയിലേക്ക് മാറ്റി. സംഭവത്തിൽ പൊലീസ് അന്വേഷണം ആരംഭിച്ചു. സുരക്ഷാ വീഴ്ചയുൾപ്പെടെ പൊലീസ് പരിശോധിച്ചു വരികയാണ്. മുഖ്യമന്ത്രിയുടെ ഔദ്യോഗിക വസതിയിൽ ആയിരുന്നു സംഭവം.