ഡൽഹി മുനിസിപ്പൽ കോർപറേഷൻ മേയർ തെരഞ്ഞെടുപ്പ് ഈ മാസം 22ന് നടത്താനുള്ള നിർദേശത്തിന് ലെഫ്. ഗവർണർ വി കെ സക്സേന അംഗീകാരം നൽകി. മേയർ, ഡെപ്യൂട്ടി മേയർ, ആറ് സ്റ്റാൻഡിങ് കമ്മിറ്റികളിലേക്കുള്ള തെരഞ്ഞെടുപ്പും 22ന് നടക്കും.
മേയർ തെരഞ്ഞെടുപ്പിൽ നാമനിർദേശം ചെയ്ത് എത്തിയ കൗൺസിലർമാർക്ക് വോട്ടവകാശം ഇല്ലെന്ന് സുപ്രീം കോടതി കഴിഞ്ഞദിവസം വിധി പുറപ്പെടുവിച്ചിരുന്നു. 24 മണിക്കൂറിനുള്ളിൽ തെരഞ്ഞെടുപ്പു നടത്താനുള്ള തീരുമാനം എടുക്കണമെന്നും കോടതി ഉത്തരവിട്ടിരുന്നു. മുമ്പ് മൂന്നുതവണ ചേർന്ന മുനിസിപ്പൽ കോർപറേഷൻ യോഗത്തിലും മേയർ തെരഞ്ഞെടുപ്പു നടത്താനായിരുന്നില്ല.
English Summary;Delhi mayor election on 22
You may also like this video
