സംവിധായകൻ തുളസീദാസ് മോശമായി പെരുമാറി; ആരോപണവുമായി ഗീത വിജയൻ

സംവിധായകൻ തുളസീദാസ് തന്നോട് മോശമായി പെരുമാറിയെന്ന ആരോപണവുമായി നടി ഗീത വിജയൻ. 1991 ൽ ചാഞ്ചാട്ടം സിനിമ സെറ്റിൽവെച്ചാണ് ദുരനുഭവം നേരിട്ടതെന്നാണു നടിയുടെ വെളിപ്പെടുത്തൽ. 1991ൽ സിനിമയിൽ ആദ്യമായി എത്തിയപ്പോൾ ആയിരുന്നു സംഭവം. അപ്പോൾ തന്നെ പ്രതികരിച്ചുവെന്നും നോ പറയേണ്ട സ്ഥലത്തു നോ പറഞ്ഞുവെന്നും അവർ പറഞ്ഞു. ഇതോടെ പലരുടെ കണ്ണിലും കരടായി. പ്രതികരിച്ചതിന്റെ പേരിൽ അവസരങ്ങൾ നഷ്ടപ്പെട്ടുവെന്നും സിനിമ കിട്ടുന്നെങ്കിൽ കിട്ടട്ടെ, ഇല്ലെങ്കിൽ വേണ്ടന്നും ഗീത പറഞ്ഞു.