ഓപ്പറേഷന്‍ സമയത്ത് യുവതിയുടെ വയറ്റില്‍ തുണി മറന്നുവച്ച് തയ്ച് വിട്ട് ആശുപത്രി അധികൃതര്‍. തെലങ്കാനയിലെ ജഗ്തിയാലിലെ ഒരു സര്‍ക്കാര്‍ ആശുപത്രിയിലാണ് സംഭവം. സിസേറിയൻ നടത്തിയ സമയത്താണ് സര്‍ക്കാര്‍ ആശുപത്രിയിലെ ഡോക്ടര്‍മാര്‍ സ്ത്രീയുടെ വയറിനുള്ളിൽ തുണി മറന്നുവച്ചത്.
2021 ഡിസംബറിലാണ് നവ്യ ശ്രീ എന്ന യുവതി സർക്കാർ ആശുപത്രിയിൽ പ്രസവ ശസ്ത്രക്രിയയ്ക്ക് വിധേയയായത്. പിന്നീട് വയറുവേദനയുണ്ടായതായി യുവതി പരാതി പറഞ്ഞിരുന്നു.
ഇതിനെത്തുടര്‍ന്ന് സ്വകാര്യ ആശുപത്രിയിൽ പരിശോധനയ്ക്ക് എത്തിയപ്പോഴാണ് വയറിൽ ട്യൂമർ പോലുള്ള വളർച്ച ഡോക്ടർമാരുടെ ശ്രദ്ധയില്‍പ്പെട്ടത്. പിന്നീടാണ് ഇത് ട്യൂമറൊന്നുമല്ലെന്നും വലിയ തുണിക്കഷണമാണെന്നും ഡോക്ടർമാർ തിരിച്ചറിഞ്ഞത്. തുടര്‍ന്ന് ഡോക്ടര്‍മാര്‍ ഇത് പുറത്തെടുക്കുകയും ചെയ്തു.
English Summary: doctors forgotten cloth inside abdomen
You may also like this video
