രാജ്യതലസ്ഥാനത്ത് ഡോക്ടറെ വെടിവച്ച് കൊലപ്പെടുത്തിയ കേസില്‍ ഒരു പ്രതി പിടിയിലായി. പ്രായപൂര്‍ത്തിയാകാത്ത പ്രതിയാണ് പിടിയിലായത്. പ്രതി കുറ്റം സമ്മതിച്ചതായി പൊലീസ് പറഞ്ഞു. രണ്ടാമത്തെ പ്രതിക്കായി പൊലീസ് അന്വേഷണം പുരോഗമിക്കുകയാണ്. കാളിന്ദികുഞ്ച് മേഖലയിൽ ജയ്ത്പൂരിലെ നിമ ആശുപത്രിയിലെ യുനാനി ഡോക്ടർ ജാവേദ് അക്തർ ആണ് ദാരുണമായി കൊല്ലപ്പെട്ടത്. കഴിഞ്ഞദിവസം പുലര്‍ച്ചെ ആശുപത്രിയില്‍ ചികിത്സയ്ക്കായി എത്തിയതാണ് ഇവര്‍.
ചികിത്സക്കായി ആശുപത്രിയിൽ എത്തിയ പ്രതികൾ ക്യാബിനുള്ളിൽ കയറി ഡോക്ടറെ വെടിവെക്കുകയായിരുന്നു. സംഭവം ക്വട്ടേഷനായിരുന്നുവെന്നും പ്രതികൾ 16,17 വയസ്സുള്ളവർ ആണെന്നും പൊലീസ് ഇന്നലെ അറിയിച്ചിരുന്നു. സിസിടിവി ദൃശ്യങ്ങൾ കേന്ദ്രീകരിച്ചാണ് അന്വേഷണം പുരോഗമിക്കുകയാണ്.