കമ്പംമെട്ട് മേഖലയിൽ തെരുവ്നായ ശല്യം രൂക്ഷം. തൊഴുത്തിലും പറമ്പിലും കെട്ടിയിട്ടിരുന്ന കന്നുകാലികളെ കഴിഞ്ഞദിവസം തെരുവ് നായ ആക്രമിച്ചു. പേപ്പട്ടിയാണ് ഇതെന്നാണ് സൂചന. മൈലാടിയിൽ തോമസ് മാത്യു, വെള്ളിമലയിൽ ആൻസിതോമസ്, മാത്യു അരങ്ങണായിൽ തുടങ്ങിയവരുടെ വീട്ടിലെ പത്തിലധികം മൃഗങ്ങൾക്ക് പേപ്പട്ടിയുടെ കടിയേറ്റിരുന്നു. തുടർന്ന് ഓടി രക്ഷപെട്ട പേപ്പട്ടി പ്രദേശത്തെ തെരുവ്നായകളെ കടിച്ചതായും നാട്ടുകാർ പറയുന്നു. കമ്പംമെട്ട് ‚പാറക്കടവ്, അച്ചക്കട, കൂട്ടാർ, കുഴിത്തൊളു, കരുണാപുരം തുടങ്ങിയ പ്രദേശങ്ങളിലെല്ലാം തെരുവ്നായ ശല്യം രൂക്ഷമാണ്, കമ്പംമെട്ട് മഡോണ എൽപി സ്കൂൾ പരിസരത്തും തെരുവ്നായകൾ സ്വൈര്യവിഹാരം നടത്തുന്നത് വിദ്യാർഥികൾക്ക് ഭീഷണിയായിണ്ടെന്നും ഇവയെ നിയന്ത്രിക്കാൻ നടപടിയെടുക്കണമെന്നും നാട്ടുകാർ പറയുന്നു. നായ ശല്യം രൂക്ഷമായതോടെ കമ്പംമെട്ടിന്റെ വിവിധ ഭാഗങ്ങളിൽ ആളുകൾ ഭീതിയിലാണ്.
English Summary: Domestic animals in Kampammett too were bitten by stray dogs; Peppatti nuisance is also severe
You may like this video also
