ഡോ. നെല്ലിക്കൽ മുരളീധരൻ പുരസ്ക്കാരം അസീം താന്നിമൂടിന്റെ ” മരത്തിനെ തിരിച്ച് വിളിക്കുന്ന വിത്ത്” എന്ന കവിതാ സമാഹാരത്തിന് ലഭിച്ചു. ഡോ. നെല്ലിക്കൽ മുരളീധരൻ ഫൗണ്ടേഷൻ നേത്യത്വത്തിൽ 25ന് പത്തനംതിട്ട ടൗൺഹാളിൽ നടക്കുന്ന ചടങ്ങിൽ കവി ഏഴാച്ചേരി രാമചന്ദ്രൻ പുരസ്കാര സമർപ്പണം നിർവഹിക്കും.
20, 001 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്കാരമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു. ഉച്ചക്ക് രണ്ടിന് കവിയരങ്ങോടു കൂടി സമ്മേളനം ആരംഭിക്കും.
കളക്ടർ ഡോ. ദിവ്യ എസ് അയ്യർ, ജില്ലാ പഞ്ചായത്ത് പ്രസിഡന്റ് അഡ്വ. ഓമല്ലൂർ ശങ്കരൻ, മുനിസിപ്പൽ ചെയർമാൻ അഡ്വ. ടി സക്കീർ ഹുസൈൻ, ഡോ. കെ എസ് രവികുമാർ, മിനി സോമരാജൻ, ശാന്ത കടമ്മനിട്ട, കൈപ്പട്ടൂർ തങ്കച്ചൻ, വിനോദ് ഇളകൊള്ളൂർ, പ്രൊഫ. ഡി പ്രസാദ്, കെ വി സുരേന്ദ്രനാഥ്, ഡോ. റാണി എസ് നായർ, ഉണ്ണികൃഷ്ണൻ പൂഴിക്കാട് എന്നിവർ പങ്കെടുക്കും.
English summary; Dr. Nellikal Muraleedharan Award goes to Azeem Thannimoodu
You may also like this video;
