മലങ്കര ഓർത്തഡോക്സ് സുറിയാനി സഭയുടെ കൊച്ചി ഭദ്രാസനാധിപൻ ഡോ. യാക്കോബ് മാർ ഐറേനിയസ് മെത്രാപ്പോലീത്തയ്ക്ക് കുവൈറ്റ് അന്താരാഷ്ട്ര വിമാനത്താവളത്തിൽ ഊഷ്മളമായ സ്വീകരണം നൽകി. സെന്റ് ഗ്രിഗോറിയോസ് ഇന്ത്യൻ ഓർത്തഡോക്സ് മഹാ ഇടവകയിലെ ക്രിസ്മസ്, പുതുവത്സര ശുശ്രൂഷകൾക്ക് നേതൃത്വം നൽകുന്നതിനായാണ് അദ്ദേഹം കുവൈറ്റിലെത്തിയത്. വിമാനത്താവളത്തിൽ എത്തിയ അദ്ദേഹത്തെ മഹാ ഇടവക ഭാരവാഹികളും വിശ്വാസികളും ചേർന്ന് സ്വീകരിച്ചു. മഹാ ഇടവക വികാരി ഫാ. ഡോ. ബിജു ജോർജ് പറയക്കൽ, ഫാ. ഗീവർഗീസ് ജോൺ, ഇടവക ട്രസ്റ്റി ദീപക് അലക്സ് പണിക്കർ, സെക്രട്ടറി ജേക്കബ് റോയ് എന്നിവരും മാനേജിങ് കമ്മിറ്റി അംഗങ്ങളും സ്വീകരണ ചടങ്ങിൽ പങ്കെടുത്തു. കുവൈറ്റിലെ വിവിധ ആത്മീയ ശുശ്രൂഷകൾക്കും പ്രാർത്ഥനകൾക്കും വരും ദിവസങ്ങളിൽ മെത്രാപ്പോലീത്ത നേതൃത്വം നൽകും.
ഡോ. യാക്കോബ് മാർ ഐറേനിയസ് മെത്രാപ്പോലീത്തയ്ക്ക് കുവൈറ്റിൽ സ്വീകരണം നൽകി
