വെള്ളക്കെട്ടിൽ കുടുങ്ങിയ നായയെ അതിസാഹസികമായി രക്ഷിച്ച് യുവാവ്; വീഡിയോ

വെള്ളക്കെട്ടിൽ കുടുങ്ങിപ്പോയ നായയെ അതിസാഹസികമായി രക്ഷപ്പെടുത്തി യുവാവ്. ചണ്ഡീഗഢിൽ കഴിഞ്ഞ ദിവസം ഉണ്ടായ വെള്ളപ്പൊക്കത്തിൽ പെട്ടുപോയ നായയെയാണ് യുവാവ് രക്ഷപ്പെടുത്തിയത്. കനത്ത വെള്ളമൊഴുക്ക് കാരണം ഖുദാ ലാഹോർ പാലത്തിനടിയിൽ കുടുങ്ങിയ നായയെ ചണ്ഡീഗഢ് പൊലീസ് ടീമിന്റെയും അഗ്നിശമനസേനയുടെയും നേതൃത്വത്തിൽ രക്ഷാപ്രവർത്തനങ്ങൾക്കിടയിലാണ് രക്ഷപ്പെടുത്തിയത്.

ചണ്ഡീഗഢ് പൊലീസ് ട്വിറ്ററിൽ പങ്കുവെച്ച വീഡിയോ ലക്ഷക്കണക്കിന് ആളുകളാണ് ഇതിനോടകം കണ്ടു കഴിഞ്ഞത്. എല്ലാവരും നമുക്ക് പ്രധാനപ്പെട്ടവരാണ്, മാറ്റം നമ്മളിൽ തുടങ്ങാം തുടങ്ങിയ അടിക്കുറിപ്പുകളും ചേർത്തായിരുന്നു വീഡിയോ പങ്കുവെച്ചത്.

പാലത്തിനടിയിലൂടെ കുത്തിയൊലിച്ചൊഴുകുന്ന വെള്ളക്കെട്ട് വകവയ്ക്കാതെയാണ് മറുകരയിൽ നിന്ന നായയെ രക്ഷിക്കാൻ യുവാവ് തയ്യാറായത്. തുടർന്ന് പാലത്തിൽ നിന്നും നായ അകപ്പെട്ടുപോയ മറുകരയിലേക്ക് അഗ്നിശമന സേനാംഗങ്ങളുടെ സഹായത്തോടെ വലിയ ഏണി ഇറക്കിവെച്ചാണ് നായയെ രക്ഷിച്ചെടുത്തത്.

Eng­lish Sum­ma­ry: Dra­mat­ic Video Shows Man Risk­ing His Life To Res­cue Dog Stuck In Rag­ing Waters
You may also like this video