ഗുജറാത്ത് തീരത്ത് വൻ ലഹരിമരുന്ന് വേട്ട. പാകിസ്ഥാനിൽ നിന്നും ഗുജറാത്തിലേക്ക് കൊണ്ടുവരികയായിരുന്ന 50 കിലോ ഹെറോയിൻ പിടികൂടി. വിപണിയി 360 കോടിയാണ് ഇതിന്റെ മൂല്യം. ഗുജറാത്ത് ഭീകരവിരുദ്ധ സ്ക്വാഡും (എടിഎസ്) ഇന്ത്യന്‍ കോസ്റ്റുഗാര്‍ഡും (ഐസിജി) സംയുക്തമായി നടത്തിയ ഓപ്പറേഷനിലാണ് മയക്കുമരുന്ന് പിടികൂടിയത്.
പാക് ബോട്ടിൽ ഉണ്ടായിരുന്ന ആറ് ജീവനക്കാരെ അറസ്റ്റ് ചെയ്തു. കൂടുതൽ അന്വേഷണത്തിനായി പാകിസ്ഥാൻ ബോട്ട് ജഖാവു തുറമുഖത്ത് എത്തിച്ചു. സംസ്ഥാനത്ത് എടിഎസും കോസ്റ്റുഗാര്‍ഡും സംയുക്തമായി നടത്തിയ ആറാമത്തെ ഓപ്പറേഷനായിരുന്നു ഇത്. കഴിഞ്ഞമാസം 14ന് നടത്തിയ പരിശോധനയില്‍ 40 കിലോ മയക്കുമരുന്ന് പിടിച്ചെടുത്തിരുന്നു.
English Summary: Drugs worth 360 crore seized in Gujarat
You may also like this video
