മദ്യപിച്ചെത്തി ആശുപത്രിയിൽ അതിക്രമം കാണിച്ച് ബഹളമുണ്ടാക്കിയ ടെലിവിഷന്‍ താരം പിടിയിൽ. കോമഡി പരിപാടികളിലൂടെ ശ്രദ്ധേയനായ മധു അഞ്ചലാണ് അറസ്റ്റിലായത്. ചൊവ്വാഴ്ച ഉച്ചയ്ക്കായിരുന്നു സംഭവം. അഞ്ചൽ ചന്തമുക്കിലെ സ്വകാര്യ ആശുപത്രിയിൽ മദ്യപിച്ചെത്തിയ മധു, രോഗികള്‍ക്കുള്ള കസേരയിൽ കയറി കിടന്നു. ഇത് ചോദ്യം ചെയ്ത സെക്യൂരിറ്റിയെയും രോഗികളെയും ഇയാൾ അസഭ്യം പറഞ്ഞു. ജീവനക്കാര്‍ പുറത്തുപോകാൻ പറഞ്ഞതോടെയാണ് അതിക്രമം നടത്തിയത്.
ഒടുവില്‍ ആശുപത്രി അധികൃതർ അഞ്ചൽ പൊലീസിനെ വിവരം അറിയിക്കുകയായിരുന്നു. പൊലീസെത്തി അനുനയിപ്പിച്ച് കൊണ്ടുപോകാൻ ശ്രമിച്ചെങ്കിലും മധു വഴങ്ങിയില്ല. ഇതോടെ ബലപ്രയോഗത്തിലൂടെ കീഴ്പ്പെടുത്തുകയായിരുന്നു. ഇയാളെ പിന്നീട് അമ്മയ്‌ക്കൊപ്പം സ്റ്റേഷൻ ജാമ്യത്തിൽ വിട്ടയച്ചു.
English Sammury: Drunk assaulting hospital: TV star Madhu Anchal arrested in Kollam
