കോഴിക്കോട് മീഞ്ചന്തയില്‍ ബസ്സിനു മുന്‍പില്‍ അഭ്യാസപ്രകടനം നടത്തിയ സ്കൂട്ടര്‍ യാത്രികനെതിരെ പൊലീസ് കേസെടുത്തു. കല്ലായി സ്വദേശി ഫര്‍ഹാനെതിരെയാണ് പന്നിയങ്കര പൊലീസ് കേസെടുത്തത്. അന്വേഷണത്തില്‍ യുവാവ് മദ്യപിച്ചിരുന്നുവെന്ന് കണ്ടെത്തി.
അപകടകരമായ ഡ്രൈവിങ്ങിനും മദ്യപിച്ച് വാഹനം ഓടിച്ചതിനും ഇയാൾക്കെതിരേ കേസെടുത്തിട്ടുണ്ട്. ഫര്‍ഹാന്റെ ലൈസന്‍സ് സസ്‌പെന്‍ഡ് ചെയ്യുമെന്ന് മോട്ടോര്‍ വാഹനവകുപ്പ് അറിയിച്ചു. ബസിന് മുന്നിലൂടെ സ്കൂട്ടറുമായി അഭ്യാസപ്രകടനം നടത്തുന്ന യുവാവിന്റെ ദൃശ്യങ്ങള്‍ സമൂഹമാധ്യമങ്ങളിലൂടെ പുറത്തുവന്നിരുന്നു.
English Summary: Drunk young man practicing with scooter in front of bus; The license will be suspended
You may also like this video
