തമിഴ്നാട്ടിൽ ക്രെയ്ൻ തകർന്ന് നാലു മരണം. അഞ്ചുപേർക്ക് പരിക്കേറ്റു. തമിഴ്നാട്ടിലെ റാണിപേട്ടിലുള്ള ദ്രൗപതി ക്ഷേത്രത്തിലാണ് സംഭവം. ക്രെയ്നിലാണ് വിഗ്രഹം വഹിച്ചിരുന്നത്. രാത്രി 8.15 ഓടെയാണ് അപകടമുണ്ടായത്.വിഗ്രഹത്തിലേക്ക് ഭക്തർ നൽകുന്ന പൂമാലകൾ സ്വീകരിക്കാനായി എട്ടുപേർ കെയ്നിൽ കയറിയിരുന്നു. ഇതിനിടെയാണ് ക്രെയ്ന്‍ തകര്‍ന്ന് വീണത്.
പൊങ്കലിനു ശേഷം നടക്കുന്ന ദ്രൗപതി അമ്മൻ ആഘോഷത്തോടനുബന്ധിച്ചുള്ള ഘോഷയാത്രക്കിടെയാണ് അപകടം. സംഭവത്തിൽ പൊലീസ് കേസ് രജിസ്റ്റർ ചെയ്തു. രണ്ട് തട്ടായിക്കിടക്കുന്ന ഭൂമിയിലാണ് ക്രെയ്ൻ നിന്നിരുന്നത്. ഇതാകാം കെയ്ന്‍ തകരാൻ കാരണമായതെന്ന് കരുതുന്നു. ക്രെയ്ൻ ഓപറേറ്ററെ കസ്റ്റഡിയലെടുത്തിട്ടുണ്ട്. ആഘോഷത്തിൽ ക്രെയ്ൻ ഉപയോഗിക്കാൻ അനുമതിയില്ലായിരുനെനന്ന് അധികൃതർ പറഞ്ഞു. അന്വേഷണം നടന്നു വരികയാണെന്ന് റാണിപേട്ട് പൊലീസ് സൂപ്രണ്ട് പറഞ്ഞു.
English Summary:During the festivities, the crane collapsed; A tragic end for four people
You may also like this video
