സുപ്രീം കോടതി മുന് ചീഫ് ജസ്റ്റിസ് ഡി വൈ ചന്ദ്രചൂഡിനെ ഔദ്യോഗിക വസതിയില്നിന്ന് ഒഴിപ്പിക്കണമെന്ന് ആവശ്യപ്പെട്ട് കേന്ദ്രത്തെ സമീപിച്ച് സുപ്രീം കോടതി അഡ്മിനിസ്ട്രേഷന്. സുപ്രീം കോടതിയിലെ നിലവിലുള്ള ജഡ്ജിമാര്ക്ക് മതിയായ താമസസ്ഥലം ഇല്ലെന്ന് ചൂണ്ടിക്കാട്ടിയാണ് നടപടി.
ചന്ദ്രചൂഡിന്റെ ബംഗ്ലാവ് ഒഴിപ്പിച്ച് കോടതിയുടെ ഭവന സമുച്ചയത്തിലേക്ക് തിരികെ നല്കണമെന്ന് ആവശ്യപ്പെട്ടാണ് കേന്ദ്ര സർക്കാരിന് കത്തെഴുതിയിരിക്കുന്നത്. ഡല്ഹിയിലെ കൃഷ്ണ മേനോന് മാര്ഗില് സ്ഥിതി ചെയ്യുന്ന, സിറ്റിങ് ചീഫ് ജസ്റ്റിസിന്റെ ഔദ്യോഗിക വസതിയായി നിശ്ചയിച്ചിട്ടുള്ള ബംഗ്ലാവ് നമ്പര് 5 ഉടനടി ഒഴിപ്പിക്കണമെന്നാണ് ആവശ്യപ്പെട്ടിരിക്കുന്നത്.
ഡി വൈ ചന്ദ്രചൂഡിനെ ഔദ്യോഗിക വസതിയില് നിന്ന് ഒഴിപ്പിക്കണം; കേന്ദ്രത്തോട് സുപ്രീം കോടതി
