തുടർച്ചയായി രണ്ടാം ദിവസവും ജില്ലയിലെ വിവിധ കേന്ദ്രങ്ങളിൽ നേരിയ ഭൂചലനം അനുഭവപ്പെട്ടു. ഇന്നലെ പുലർച്ചെ 3.55നാണ് ഭൂചലനമുണ്ടായത്. തൃത്താല മണ്ഡലത്തിലെ തിരുമിറ്റക്കോട് മേഖലയിലാണ് രണ്ടാം ദിവസവും ഭൂമി കുലുങ്ങിയത്. പുലർച്ചെയായതിനാൽ പലരും അറിഞ്ഞില്ലെന്നും രാവിലെയാണ് ശ്രദ്ധിച്ചതെന്നും പറയുന്നു. രണ്ടു വീടുകളുടെ ഭിത്തിയിൽ വിള്ളലുണ്ടായി. ശനിയാഴ്ച രാവിലെയും ഇവിടെ ഭൂചലനം അനുഭവപ്പെട്ടിരുന്നു. ശനിയാഴ്ച തീവ്രത മൂന്ന് രേഖപ്പെടുത്തിയ ഭൂചലനമാണ് അനുഭവപ്പെട്ടത്. എന്നാൽ ഇതിലും ദുർബലമായ 2.9 രേഖപ്പെടുത്തിയ ഭൂകമ്പമാണെന്ന് ജിയോളജി വകുപ്പ് സ്ഥിരീകരിച്ചു. ജനങ്ങൾ ഭയപ്പെടേണ്ട സാഹചര്യമില്ലെന്ന് ദേശീയ ദുരന്ത നിവാരണ അതോറിറ്റിയും വ്യക്തമാക്കി.
English Summary:Earthquake in Palakkad district for the second day
You may also like this video
