നിയമന അഴ‍ിമതിക്കേസിൽ അറസ്റ്റിലായ തമിഴ്‌നാട് മന്ത്രി വി സെന്തിൽ ബാലാജിയെ സ്വകാര്യ ആശുപത്രിയിലേക്ക് മാറ്റാൻ അനുവദിച്ചു കൊണ്ടുള്ള ഹൈക്കോടതി വിധിക്കെതിരേ സുപ്രീം കോടതിയെ സമീപിച്ച് എൻഫോഴ്‌സ്‌മെന്റ് ഡയറക്ടറേറ്റ്. മദ്രാസ് ഹൈക്കോടതിയാണ് ബാലാജിയെ ചെന്നൈ സർക്കാർ ആശുപത്രിയിൽ നിന്ന് ചികിത്സാ സൗകര്യങ്ങൾ കൂടുതലുള്ള സ്വകാര്യ ആശുപത്രിയിലേക്ക് മാറ്റാൻ അനുവാദം നൽകിയത്. നിലവിൽ കൊറോണറി ബൈപ്പാസ് ശസ്ത്രക്രിയയാണ് ബാലാജിക്ക് നിർദേശിച്ചിരിക്കുന്നത്.
ബാലാജി ഏറെ സ്വാധീനമുള്ള മന്ത്രിയാണെന്നും സ്വകാര്യ ആശുപത്രിയിലേക്ക് മാറ്റുന്നത് അന്വേഷണത്തെ ബാധിക്കുമെന്നും ഇഡി സുപ്രീം കോടതിയില്‍ വാദിക്കുന്നു. എന്നാൽ ഹർജിയിൽ ഹൈക്കോടതി അന്തിമ വിധി പുറപ്പെടുവിച്ചതിനു ശേഷം മാത്രമേ ഹർജി സ്വീകരിക്കാനാകൂ എന്ന് സുപ്രീം കോടതി വ്യക്തമാക്കി.
സുപ്രീം കോടതി ഹർജിയിൽ നാളെ വീണ്ടും വാദം കേൾക്കും.
English Summary:ED in Supreme Court against Senthil Balaji
You may also like this video
