ഇഡിയുടെ വിശാല അധികാരങ്ങൾ ശരിവച്ച വിധി പുനഃപരിശോധിക്കണമെന്ന്‌ ആവശ്യപ്പെട്ടുള്ള ഹർജികൾ പരിഗണിക്കുന്നത്‌ സുപ്രീംകോടതി ജൂലൈയിലേക്ക്‌ മാറ്റി. പിഎംഎൽഎ നിയമത്തിലെ വിവാദവ്യവസ്ഥകളെല്ലാം ശരിവച്ച്‌ 2022 ജൂലൈയിൽ സുപ്രീംകോടതി പുറപ്പെടുവിച്ച ഉത്തരവുകൾ പുനഃപരിശോധിക്കണമെന്നാണ്‌ ഹർജികളിലെ ആവശ്യം.
ഈ വിധി പുറപ്പെടുവിച്ച ജസ്റ്റിസ്‌ എ എം ഖാൻവിൽക്കറെ സമീപകാലത്ത്‌ ലോക്‌പാലായി നിയമിച്ചിരുന്നു. അറസ്റ്റിനും റെയ്‌ഡിനും ഉൾപ്പെടെ ഇഡിക്ക് പരിധികളില്ലാത്ത അധികാരങ്ങൾ നൽകുന്നതും പിഎംഎഎ കേസിൽ ജാമ്യം ലഭിക്കൽ സങ്കീർണമാക്കുന്നതുമായ 2022ലെ വിധിക്കെതിരെ സുപ്രീംകോടതി മുൻ ജഡ്‌ജിമാർ ഉൾപ്പെടെ രംഗത്തെത്തിയിരുന്നു.
English Summary:
ED’s broad powers; petitions to be heard in July
You may also like this video:
