ഉത്തര്‍പ്രദേശില്‍ ഡബിള്‍ഡക്കര്‍ ബസുകള്‍ കൂട്ടിയിടിച്ച് എട്ടുപേര്‍ മരിച്ചു. പൂര്‍വാഞ്ചല്‍ എക്‌സ്പ്രസ് വേയില്‍ സംഭവം. 20 പേര്‍ക്ക് പരിക്കേറ്റു. മൂന്നുപേരുടെ ആരോഗ്യനില ഗുരുതരമായി തുടരുകയാണെന്ന് ലഖ്നൗവിലെ ട്രോമ സെന്ററിലേക്ക് മാറ്റിയതായും അധികൃതര്‍ പറഞ്ഞു. രണ്ട് ബസുകളും ബിഹാറില്‍ നിന്ന് ഡല്‍ഹിയിലേക്ക് പോകുകയായിരുന്നു.
ഇന്ന് രാവിലെയാണ് അപകടമുണ്ടായത്. ലഖ്‌നൗവിന് 30 കിലോമീറ്റര്‍ അകലെ ബരാബങ്കി ജില്ലയില്‍ അപകടമുണ്ടായത്. പൊലീസും ഫയര്‍ഫോഴ്‌സും സ്ഥലത്തെത്തി രക്ഷാപ്രവര്‍ത്തനത്തിന് നേതൃത്വം നല്‍കി. പരിക്കേറ്റവരെ ഹൈദര്‍ഗഡിലെ കമ്മ്യൂണിറ്റി ഹെല്‍ത്ത് സെന്ററില്‍ പ്രവേശിപ്പിച്ചു. ഗുരുതരമായി പരിക്കേറ്റ മൂന്ന് പേരെ ചികിത്സയ്ക്കായി ലഖ്നൗവിലെ ട്രോമ സെന്ററിലേക്ക് മാറ്റി.
English Summary:Eight killed in double-decker bus collision in UP
You may also like this video
