പത്തനംതിട്ട ഇലന്തൂരിലെ നരബലി കേസില്‍ ഒന്നാം പ്രതി മുഹമ്മദ് ഷാഫി പണയം വച്ച സ്വര്‍ണം കണ്ടെത്തി. കൊല്ലപ്പെട്ട പത്മത്തിന്റേത് തന്നെയെന്ന്
സ്വര്‍ണമെന്ന് പത്മത്തിന്റെ മകനും സഹോദരിയും തിരിച്ചറിഞ്ഞു. ഗാന്ധിനഗറിലെ ധനാകര്യ സ്ഥാപനത്തിലാണ് ഷാഫി സ്വര്‍ണം പണയം വച്ചത്. പത്മയുടെ സഹോദരി പഴനിയമ്മ ഷാഫിയുമായി തെളിവെടുപ്പ് നടത്തുന്ന സ്ഥലത്തെത്തിയാണ് സ്വര്‍ണാഭരണങ്ങള്‍ തിരിച്ചറിഞ്ഞത്.
നാലര പവന്‍ സ്വര്‍ണമാണ് പൊലീസ് കണ്ടെത്തിയത്. ധനകാര്യ സ്ഥാപനത്തിലെ തെളിവെടുപ്പിന് ശേഷം ഷാഫിയുടെ വീട്ടിലും അന്വേഷണ സംഘം തെളിവെടുപ്പ് നടത്തും. പത്തനംതിട്ട, കോട്ടയം, എറണാകുളം ജില്ലകള്‍ക്ക് പുറമെ ഷാഫിയുടെ സാന്നിധ്യമുണ്ടായിരുന്ന മറ്റ് ഇടങ്ങളിലേക്കും അന്വേഷണം നടത്താനാണ് പൊലീസ് തീരുമാനം. മൃതദേഹങ്ങളില്‍ ആന്തരിക അവയവങ്ങള്‍ മുറിച്ച് മാറ്റിയിട്ടുണ്ടെന്ന പോസ്റ്റ്മോര്‍ട്ടം റിപ്പോര്‍ട്ടിന്റെ പ്രാഥമിക വിവരങ്ങള്‍ അന്വേഷണസംഘത്തിനു ലഭിച്ചു. ഇവ കണ്ടെത്താനുള്ള ശ്രമം ആരംഭിച്ചു.
English Summary:elanthoor murder;Padma’s gold pawned by Shafi is found
You may also like this video
