തെരഞ്ഞെടുപ്പിന്റെ ഭാഗമായി സ്ഥാപിച്ച പ്രചരണ സാമഗ്രികളെല്ലാം എത്രയും വേഗം എടുത്ത് മാറ്റി, പരിസ്ഥിതി സൗഹൃദപരമായി സംസ്കരിക്കണമെന്ന് സിപിഐ സംസ്ഥാന സെക്രട്ടറി ബിനോയ് വിശ്വം പാർട്ടി ഘടകങ്ങളോട് നിർദേശിച്ചു. ഇക്കാര്യത്തിൽ പാർട്ടികളും മുന്നണികളും തമ്മിൽ ഒരു മത്സരബുദ്ധി ഉണ്ടാകുന്നത് സ്വാഗതാർഹമാണെന്ന് അദ്ദേഹം പറഞ്ഞു.
കാലാവസ്ഥാ വ്യതിയാനത്തിന്റെ ഭാഗമായ കൊടും ചൂടിൽ, രാജ്യമാകെ പൊള്ളി പൊറുതി മുട്ടുമ്പോൾ ഇക്കാര്യത്തിൽ മുൻകൈ എടുക്കാൻ തദ്ദേശ സ്വയംഭരണ സമിതികൾക്ക് കഴിയണം. സമൂഹത്തോടുള്ള രാഷ്ട്രീയ പ്രസ്ഥാനങ്ങളുടെ കടമയുടെ ഭാഗമാണിതെന്ന് ബിനോയ് വിശ്വം സിപിഐ പ്രവർത്തകരെ ഓർമ്മപ്പെടുത്തി.
English Summary: Election campaign materials should be removed: Binoy Vishwam
You may also like this video
