കോർപ്പറേഷനുകളിലെയും നഗരസഭകളിലെയും മേയർ, ചെയർപേഴ്സൺ തെരഞ്ഞെടുപ്പ് ഇന്ന് നടക്കും. മേയർ, ചെയർപേഴ്സൺ തെരഞ്ഞെടുപ്പ്കൾ രാവിലെ പത്തരയ്ക്കും ഡെപ്യൂട്ടി മേയർ, വൈസ് ചെയർപേഴ്സൺ തെരഞ്ഞെടുപ്പ്കൾ ഉച്ചക്ക് ശേഷം രണ്ടരയ്ക്കുമാണ്. പഞ്ചായത്തുകളിൽ അധ്യക്ഷ തെരഞ്ഞെടുപ്പ് നാളെയാണ്. സത്യപ്രതിജ്ഞ ചെയ്ത് അംഗമായിട്ടില്ലാത്തവർക്ക് വോട്ടവകാശമുണ്ടാവില്ല. കണ്ണൂര്, തൃശ്ശൂര്, കൊച്ചി കോര്പ്പറേഷനുകളിലെ മേയര്സ്ഥാനങ്ങള് വനിതകള്ക്കായി സംവരണം ചെയ്തിരിക്കുകയാണ്.
മുനിസിപ്പാലിറ്റി ചെയര്മാന്, വൈസ് ചെയര്മാന് തെരഞ്ഞെടുപ്പ്ം ഇന്ന് നടക്കും. തിരുവനന്തപുരം കോർപറേഷനിൽ വി വി രാജേഷ് ആണ് ബിജെപിയുടെ മേയര് സ്ഥാനാര്ത്ഥി. ആശാനാഥ് ഡെപ്യൂട്ടി മേയര് സ്ഥാനത്തേക്ക് മത്സരിക്കും. എല്ഡിഎഫ് ആര് പി ശിവജിയെയും യുഡിഎഫ് കെ എസ് ശബരിനാഥിനെയും മേയര് സ്ഥാനാര്ത്ഥികളായി പ്രഖ്യാപിച്ചിട്ടുണ്ട്. കോണ്ഗ്രസിലെ മേരി പുഷ്പമാണ് ഡെപ്യൂട്ടി മേയര് സ്ഥാനാര്ത്ഥി. എന്ഡിഎ‑50, എല്ഡിഎഫ്-29, യുഡിഎഫ്-19, മറ്റുള്ളവര്-2 എന്നിങ്ങനെയാണ് കോര്പ്പറേഷനിലെ കക്ഷിനില.