കോഴിക്കോട് കക്കയം ഇക്കോ ടൂറിസം കേന്ദ്രത്തിലേക്കുള്ള പ്രവേശനം താൽക്കാലികമായി നിർത്തിവെച്ചു. കാട്ടുപോത്ത് ആക്രമണത്തിൽ വിനോദസഞ്ചാരികളായ അമ്മക്കും കുഞ്ഞിന്നും പരുക്കേറ്റ സംഭവത്തെ തുടർന്നാണ് നടപടി.
കൂടരഞ്ഞിയിലെ ബന്ധുവീട്ടില്‍ വിരുന്നെത്തിയ ശേഷം ഡാം പരിസരത്ത് എത്തിയവരാണ് ആക്രമണത്തിന് ഇരയായത്. ഇന്നലെ രാത്രി മുതല്‍ ഒരു കാട്ടുപോത്ത് പരിസരത്ത് ഉണ്ടായിരുന്നു. കുട്ടികളുടെ പാര്‍ക്കിന് സമീപം നിന്നിരുന്ന സംഘത്തെ കാട്ടുപോത്ത് പാഞ്ഞു വന്ന് ആക്രമിക്കുകയായിരുന്നു എന്നാണ് വിവരം.
പ്രദേശത്ത് നിരീക്ഷണം ഏർപ്പെടുത്തിയതായും വിനോദസഞ്ചാരികൾ ജാഗ്രത പുലർത്തണമെന്നും അധികൃതർ പറഞ്ഞു.
English Summary: Entry to Kakkayam Eco Tourism Center has been temporarily suspended
You may also like this video
