കാസര്ഗോഡ് അനന്തപുരത്ത് പ്ലൈവുഡ് ഫാക്ടറിയില് പൊട്ടിത്തെറി. ഒരാള് മരിച്ചു. അസം സിംഗ്ലിമാര സ്വദേശി നസീറുൽ(19) ആണ് മരിച്ചത്. അപകടത്തില് നിരവധി പേര്ക്ക് പരിക്കേറ്റു. തിങ്കളാഴ്ച വൈകീട്ട് ഏഴേ കാലോടെയാണ് സംഭവം. എറണാകുളം സ്വദേശിയുടെ ഉടമസ്ഥതയിലുള്ള ഡെക്കർ എന്ന പ്ലൈവുഡ് ഫാക്ടറിയിലാണ് സ്റ്റീമർ പൊട്ടിത്തെറിച്ച് അപകടമുണ്ടായത്. അപകടം നടക്കുന്ന സമയത്ത് ഏകദേശം ഇരുപതോളം പേർ ജോലി ചെയ്തിരുന്നതായാണ് സംശയം. നിരവധിപേർ ഫാക്ടറിക്കുള്ളിൽ കുടുങ്ങിക്കിടക്കുന്നതായും പറയുന്നു. ബോയിലര് പൊട്ടിത്തെറിച്ചാണ് അപകടം ഉണ്ടായതെന്നാണ് സൂചന. പൊട്ടിത്തെറിയില് സമീപത്തെ വീടുകള്ക്കും കേടുപാടുകള് ഉണ്ടായിട്ടുണ്ട്.
അനന്തപുരത്ത് പ്ലൈവുഡ് ഫാക്ടറിയില് പൊട്ടിത്തെറി; തൊഴിലാളി മരിച്ചു
