കേരള ദേവസ്വം റിക്രൂട്ട്മെന്റ് ബോര്ഡ് പരീക്ഷ നടത്തി കൂടല് മാണിക്യം ക്ഷേത്രത്തിലെ കഴകം തസ്തികയില് നിയമിച്ച ആര്യനാട് സ്വദേശിയായ യുവാവിനെ കഴകം തസ്തികയില് നിന്ന് താത്ക്കാലികമായി മാറ്റി.പാരമ്പര്യ അവകാശികളെ മാറ്റി ഈഴവ സമുദായത്തില് നിന്നുള്ള ഒരാളെ കഴകം, മാലകെട്ട് ജോലിയില് പ്രവേശിപ്പിച്ചതിന് എതിരെ തന്ത്രിാരും , വാരിയര് സമാജവും രംഗത്തു വന്നിരുന്നു.
ഫെബ്രുവരി 24 നാണ് ആര്യനാട് സ്വദേശിയും ബിരുദധാരിയുമായ ബാലു കഴകം തസ്തികകയില് ജോലിയില് പ്രവേശിച്ചത്. തീരുമാനത്തിന് എതിരെ ആറ് തന്ത്രിമാര് ദേവസ്വത്തിന് കത്ത് നല്കിയിരുന്നു. ദേവസ്വം റിക്രൂട്ട്മെന്റ് ബോര്ഡ് നടത്തിയ നിയമനമാണെന്ന നിലപാട് ദേവസ്വം സ്വീകരിച്ചുവെങ്കിലും തന്ത്രിമാര് ശുദ്ധി ചടങ്ങുകളില് നിന്നും വിട്ട് നില്ക്കുകയായിരുന്നുവെന്നാണ് സൂചന.