തൃശ്ശൂര്‍ കയ്പമംഗലത്ത് രണ്ട് കുട്ടികളുമായി കിണറ്റില്‍ ചാടിയ പിതാവ് മരിച്ചു. മൂന്നുപീടിക ബീച്ച് റോഡ് സ്വദേശി ഷിഹാബ് (35) ആണ് മരിച്ചത്. രണ്ടരയും നാലരയും വയസ്സുള്ള കുട്ടികളെ രക്ഷപ്പെടുത്തി. ഇന്ന് പുലര്‍ച്ചെയാണ് സംഭവം. കുട്ടികളേയും എടുത്ത് ശിഹാബ് വീട്ടുമുറ്റത്തുള്ള കിണറ്റിലേക്ക് ചാടുകയായിരുന്നു. കുട്ടികളുടെ ബഹളം കേട്ടെത്തിയ നാട്ടുകാരാണ് മൂന്നു പേരെയും പുറത്തെടുത്തത്. ഉടൻ ആശുപത്രിയില്‍ എത്തിച്ചെങ്കിലും ശിഹാബിന്റെ ജീവന്‍ രക്ഷിക്കാനായില്ല.
ഈ സമയത്ത് ശിഹാബിന്റെ ഭാര്യ വീട്ടിനുള്ളില്‍ ഉറങ്ങുകയായിരുന്നു. ടൈല്‍സ് കട ഉടമയായ ശിഹാബിന് കടയുമായി ബന്ധപ്പെട്ട് വലിയ സാമ്പത്തിക ബാധ്യത ഉണ്ടായിരുന്നുവെന്നാണ് വിവരം. ചികിത്സയിലുള്ള കുട്ടികളുടെ ആരോഗ്യനില തൃപ്തികരമാണ്.
English Summary: father died after jumping into a well with his two children in Thrissur
You may also like this video
