സിഖ് സമുദായത്തിന്റെ മതവികാരം വ്രണപ്പെടുത്തിയെന്ന പരാതിയില് നടി കങ്കണ റണാവത്തിനെതിരെ എഫ്ഐആര്. ഡല്ഹി സിഖ് ഗുരുദ്വാര മാനേജ്മെന്റ് കമ്മിറ്റി, ശിരോമണി അകാലിദള്, അമര്ജിത് സിംഗ് എന്നിവരാണ് കങ്കണക്കെതിരെ പരാതി നല്കിയത്.
സിഖ് മതത്തെയും അവരുടെ വിശ്വാസത്തെയും അവഹേളിക്കുന്നതാണ് കങ്കണയുടെ ഇന്സ്റ്റഗ്രാം പോസ്റ്റ് എന്ന് എഫ്ഐആറില് വ്യക്തമാക്കുന്നു. രാജ്യത്തെ കര്ഷകരുടെ പ്രതിഷേധത്തെ ഒരു ഖാലിസ്ഥാനി പ്രസ്ഥാനമായി ബോധപൂര്വവും ചിത്രീകരിക്കുകയും സിഖ് സമുദായത്തെ ഖാലിസ്ഥാനി ഭീകരര് എന്ന് വിളിക്കുകയും ചെയ്തതായി ഡല്ഹി സിഖ് ഗുരുദ്വാര മാനേജ്മെന്റ് കമ്മിറ്റി ആരോപിച്ചു.
വിവാദ കാര്ഷിക നിയമങ്ങള് പിന്വലിച്ചതിനെതിരെ കങ്കണ റണാവത്ത് രംഗത്തെത്തിയിരുന്നു. നടപടി സങ്കടകരവും ലജ്ജാകരവും ആണെന്നും നടി പറഞ്ഞു.
english summary; FIR filed against actress Kangana Ranaut