ദുബായ് ദേര ബുര്‍ജ് മുറാഫില്‍ പാര്‍പ്പിട സമുച്ചയത്തിന് തീപിടിച്ചുണ്ടായ അപകടത്തില്‍ മലയാളി ദമ്പതിമാരടക്കം 16 പേര്‍ക്ക് ദാരുണാന്ത്യം. മലപ്പുറം വേങ്ങര സ്വദേശി കാളങ്ങാടൻ റിജേഷ് (38), ഭാര്യ കണ്ടമംഗലത്ത് ജിഷി (32) എന്നിവരാണ് മരിച്ച മലയാളികള്‍. രണ്ട് തമിഴ്‌നാട് സ്വദേശികളും പാകിസ്ഥാൻ സുഡാൻ സ്വദേശികളും മരിച്ചവരിൽ ഉൾപ്പെടുന്നു. നായിഫ് ഫിർജ് മുറാറിലെ കെട്ടിടത്തിൽ ശനിയാഴ്ച ഉച്ചയോടെയായിരുന്നു തീപിടിത്തം. ഷോർട്ട് സർക്യൂട്ടിനെ തുടർന്നാണ് തീപിടിത്തം ഉണ്ടായതെന്നാണ് പ്രാഥമിക നിഗമനം. കെട്ടിടത്തിന്റെ നാലാമത്തെ നിലയിലാണ് തീപിടത്തമുണ്ടായത്. പുക ശ്വസിച്ചാണ് റിജേഷും ജിഷിയും മരിച്ചതെന്നാണ് നിഗമനം. ഇവർ താമസിച്ചിരുന്ന മുറിയോട് ചേർന്നുള്ള മറ്റൊരു മുറിയിലാണ് തീപിടിത്തം ഉണ്ടായത്. രക്ഷാപ്രവർത്തനം നടത്തിയ സുരക്ഷാ ജീവനക്കാരനും മരിച്ചവരിൽ ഉൾപ്പെടുന്നു. ദുബായിൽ മലയാളികൾ തിങ്ങിപ്പാർക്കുന്ന സ്ഥലങ്ങളിലൊന്നാണ് ദേര നായിഫ്. രക്ഷാപ്രവര്‍ത്തനം നടത്തിയ ജീവനക്കാരും മരിച്ചവരില്‍പ്പെടുന്നതായും വിവരങ്ങളുണ്ട്.
English Summary: Fire in Dubai: 16 people died, including a Malayali couple
You may also like this video
