തമിഴ്‌നാട്ടിൽ പടക്കനിർമാണശാലയിലുണ്ടായ സ്ഫോടനത്തിൽ ഒമ്പത് പേർ മരിച്ചു. നിരവധിപേർക്ക് പരിക്കേറ്റു. പരിക്കേറ്റവരിൽ ആറ് പേരുടെ നില ഗുരുതരമാണന്നാണ് റിപ്പോർട്ട്. പരിക്കേറ്റവരെ ശിവകാശിയിലെ സർക്കാർ ആശുപത്രിയിൽ പ്രവേശിപ്പിച്ചു. ഇന്ന് ഉച്ചയോടെയായിരുന്നു അപകടമുണ്ടായത്. വിരുദുനഗർ ജില്ലയിൽ വെമ്പൈക്കോട്ട പ്രദേശത്തുള്ള പടക്കനിർമാണ ശാലയിലാണ് സ്ഫോടനമുണ്ടായത്.
സ്ഫോടനത്തിൽ കെട്ടിടം പൂർണമായും തകർന്നു. അഗ്നിശമന സേനയും പൊലീസുമെത്തി തീയണച്ചു. ഏഴ് പേർ സംഭവസ്ഥലത്തുവെച്ചുതന്നെ മരിച്ചു. രാസവസ്തുക്കൾ മിക്സ് ചെയ്യുന്ന മുറിയിലാണ് ആദ്യം സ്ഫോടനമുണ്ടായതെന്നാണ് വിവരം. വിശദമായ അന്വേഷണം നടക്കുകയാണെന്ന് പൊലീസ് പറഞ്ഞു.
English Summary:Fireworks factory blast in Tamil Nadu: Nine killed
You may also like this video
