ബോളിവുഡ് സംവിധായകൻ രോഹിത് ഷെട്ടിയുടെ മുംബൈ ജൂഹുവിലെ വീടിന് മുന്നിൽ വെടിവെപ്പ്. ശനിയാഴ്ച രാത്രിയാണ് വീടിന് സമീപം അജ്ഞാതർ നാല് റൗണ്ട് വെടിവയ്പ് നടത്തിയത്. ആക്രമണത്തിൽ ആർക്കും പരിക്കേറ്റതായി റിപ്പോർട്ടുകളില്ല. വെടിവെപ്പിന് പിന്നാലെ അക്രമി സംഘം സ്ഥലത്തുനിന്ന് രക്ഷപ്പെട്ടതായാണ് പ്രാഥമിക വിവരം. പൊലീസ് സ്ഥലത്തെത്തി ശാസ്ത്രീയ പരിശോധനകൾ ആരംഭിച്ചിട്ടുണ്ട്. സംഭവസമയത്ത് രോഹിത് ഷെട്ടി വീട്ടിലുണ്ടായിരുന്നോ എന്ന കാര്യത്തിൽ ഇതുവരെ ഔദ്യോഗിക സ്ഥിരീകരണം വന്നിട്ടില്ല. നിലവിൽ വീടിനും പരിസരത്തും കനത്ത പൊലീസ് സുരക്ഷ ഏർപ്പെടുത്തിയിട്ടുണ്ട്.
ബോളിവുഡ് സംവിധായകൻ രോഹിത് ഷെട്ടിയുടെ വീടിന് മുന്നിൽ വെടിവെപ്പ്; അക്രമികൾക്കായി തെരച്ചിൽ ഊർജ്ജിതം
