നവി മുംബൈയില്‍ ലഹരിമരുന്നുമായി അഞ്ച് മലയാളികള്‍ അറസ്റ്റില്‍. എട്ട് ലക്ഷം രൂപ വിലമതിക്കുന്ന 80 ഗ്രാം ഹെറോയിനുമായി വാഷി മാഫ്കോ മാര്‍ക്കറ്റില്‍ വച്ചാണ് അഞ്ചു മലയാളികള്‍ അറസ്റ്റിലായത്. കോഴിക്കോട് സ്വദേശി നന്ദു സുബ്രഹ്മണ്യം (28) കാസര്‍ഗോഡ് സ്വദേശി അബുബക്കര്‍ സിദ്ദിഖി കണ്ണൂര്‍ സ്വദേശികളായ അമന്‍ മുഹമ്മദ് (26), ഉമര്‍ അക്രം(38), നാസിം മൂസ(30)എന്നിവരാണ് അറസ്റ്റിലായത്.
കേരളത്തിലേക്ക് കടത്താന്‍ ശേഖരിച്ച ലഹരി മരുന്നാണ് ഇവരുടെ പക്കലുണ്ടായിരുന്നതെന്നാണ് പൊലീസ് പറയുന്നത്. സാന്‍പാഡയിലെ മാഫ്കോ മാര്‍ക്കറ്റില്‍ ഹെറോയിന്‍ വാങ്ങാന്‍ കേരളത്തില്‍ നിന്ന് ആളുകള്‍ വരുന്നതായി വിവരം ലഭിച്ചതിന്റെ അടിസ്ഥാനത്തിലാണ് പൊലീസ് വലയൊരുക്കിയത്. ഇവര്‍ കേരളത്തില്‍ നിന്ന് ട്രെയിനില്‍ പന്‍വേല്‍ സ്റ്റേഷനില്‍ ഇറങ്ങിയാണ് വാഷിയിലെത്തിയത്. മയക്കുമരുന്ന് വാങ്ങിയ ശേഷം പിടികൂടിയപ്പോള്‍ ഇവര്‍ ഓടി രക്ഷപ്പെടുവാന്‍ ശ്രമിക്കച്ചിരുന്നുവെന്ന് പൊലീസ് പറഞ്ഞു.
English Summary:Five Malayalees arrested in Navi Mumbai with drugs worth Rs 8 lakh
You may also like this video
