ദേശീയ പാതയിൽ അമ്പലപ്പുഴയിൽ മേൽപാലത്തിൽ കാർ ലോറിയിലിടിച്ച് 5 യുവാക്കൾ മരിച്ചു. തിരുവനന്തപുരം, സ്വദേശികളായ പ്രസാദ് , മനു ‚ഷിജു ഭാസ്, സ്മോദ്, അമൽ എന്നിവരാണ് മരിച്ചത്. ഇന്ന് പുലർച്ചേ ഒന്നരയോടെയാണ് സംഭവം. പച്ചക്കറി കയറ്റിയ ലോറിയിൽ ഇടിച്ച ആൾട്ടോ കാർ പൂർണമായും തകർന്നു. നാല് പേർ തൽക്ഷണം മരിച്ചു. ഒരാൾ ആശുപത്രിയിലുമാണ് മരിച്ചത്.
മരിച്ചവർ തിരുവനന്തപുരം ഐ.എസ്.ആർ.ഒ യിലെ ക്യാന്റീൻ ജീവനക്കാരാണ്. വിവാഹ ചടങ്ങിൽ പങ്കെടുക്കാൻ പുറപ്പെട്ടതാണ്. മൃതദേഹങ്ങൾ ആലപ്പുഴ വണ്ടാനം മെഡിക്കൽ കോളേജ് ആസ്പത്രിയിൽ. പോലീസും ഫയർഫോഴ്സും കാർ വെട്ടിപൊളിച്ചാണ് യാത്രക്കാരെ പുറത്ത് എടുത്തത്. ലോറി പാലത്തിൽ നിന്ന് മാറ്റി ഗതാഗതം പൂർവ സ്ഥിതിയിലാക്കി. സ്ഥിരമായി അപകടം ഉണ്ടാക്കുന്ന മേഖലയാണ് അമ്പലപ്പുഴയിലെ മേൽപ്പാലം.
English Summary:Five youths died after their car collided with a lorry in Ambalapuzha
You may also like this video
