ദുബായില്‍ നിന്നും തിരുവനന്തപുരത്തേക്കുവന്ന എയര്‍ഇന്ത്യ എക്സ്പ്രസ് വിമാനത്തിന് അടിയന്തര ലാന്‍ഡിങ്. വിമാനത്തില്‍ 148 യാത്രക്കാർ ഉണ്ടായിരുന്നു. വിമാനത്തിന്റെ മുന്‍വശത്തെ ടയറില്‍ പൊട്ടല്‍ കണ്ടതോടെയാണ് ഐ എക്സ് 540 നമ്പർ വിമാനം അടിയന്തര ലാന്‍ഡിങ്ങിന് അനുമതി തേടിയത്. തുടര്‍ന്ന് അടിയന്തര ലാന്‍ഡിങ് നേരിടാനുള്ള സംവിധാനങ്ങള്‍ വിമാനത്താവളത്തില്‍ സജ്ജമാക്കി. അടിയന്തരമായി നിലത്തിറക്കിയ വിമാനം റണ്‍വേയില്‍ മറ്റ് അപകടങ്ങള്‍ക്ക് വഴിവയ്ക്കാതെ ഓടിനിന്നു.
ടയറില്‍ പൊട്ടല്‍; തിരുവനന്തപുരത്തേക്കുവന്ന എയര്‍ഇന്ത്യ എക്സ്പ്രസ് വിമാനം അടിയന്തരമായി നിലത്തിറക്കി
