പറന്നുയര്‍ന്ന വിമാനത്തിന് തീപ്പിടിച്ചു. ആളപായമില്ല. കാഠ്മണ്ഡുവിൽ നിന്ന് ദുബൈയിലേക്ക് പുറപ്പെട്ട ഫ്ളൈ ദുബൈയുടെ FZ576 ബോയിങ് 737 വിമാനത്തിന്റെ ഇടത് എന്‍ജിനാണ് തീപിടിച്ചത്. ഇന്നലെ രാത്രി 9.30 ഓടെയായിരുന്നു സംഭവം. തകരാർ പരിഹരിച്ച് വിമാനം ദുബായിലേക്ക് തന്നെ യാത്രയായി. 169 യാത്രക്കാരായിരുന്ന വിമാനത്തിലുണ്ടായിരുന്നത്.
പക്ഷി ഇടിച്ചതാണ് അപകടത്തിന് കാരണമെന്നാണ് കണ്ടെത്തല്‍. യാത്രക്കാരെല്ലാം സുരക്ഷിതരാണെന്ന് നേപ്പാൾ സിവിൽ ഏവിയേഷൻ അതോറിറ്റി വക്താവ് ജഗന്നാഥ് നിരൗള പറഞ്ഞതായി റോയിട്ടേഴ്‌സ് റിപ്പോര്‍ട്ട് ചെയ്തു.
English Sammury: Flydubai aircraft returns to Dubai after engine fire due to Nepal bird strike
