കരുനാഗപ്പള്ളി മുൻ എംഎൽഎയും സിപിഐ നേതാവുമായിരുന്ന ആർ രാമചന്ദ്രൻ(75) അന്തരിച്ചു. ഇന്ന് പുലർച്ചെ കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. കരൾ സംബന്ധമായ അസുഖത്തെ തുടര്‍ന്ന് ദീർഘനാളായി ചികിത്സയിലായിരുന്നു. 2016ലാണ് കരുനാഗപ്പള്ളിയിൽ നിന്നും നിയമസഭയിലെത്തിയത്. കഴിഞ്ഞ തവണയും മണ്ഡലത്തിലെ സ്ഥാനാർത്ഥിയായിരുന്നു.
സിപിഐ കൊല്ലം ജില്ലാ സെക്രട്ടറിയായി ദീര്‍ഘകാലം പ്രവർത്തിച്ചു. സിപിഐ സ്റ്റേറ്റ് കൗൺസിൽ അംഗമായിരുന്നു. മൃതദേഹം ഉച്ചയോടെ കരുനാഗപ്പള്ളിയിലെത്തിക്കും. പാർട്ടി ഓഫീസിലെ പൊതുദർശനത്തിന് ശേഷം നാളെ കരുനാഗപ്പള്ളിയിലെ വീട്ടുവളപ്പിൽ സംസ്കരിക്കും.
English Summary:Former Karunagapally MLA R Ramachandran passed away
You may also like this video
