തെലങ്കാന മുന്‍ മുഖ്യമന്ത്രി കെ ചന്ദ്രശേഖര റാവുവിനെ ആശുപത്രിയില്‍ പ്രവേശിപ്പിച്ചു. വസതിയില്‍വെച്ച് കാൽ വഴുതി വീണ് ഇടുപ്പെല്ല് പൊട്ടിയതിനെ തുടര്‍ന്നാണ് ചന്ദ്രശേഖര റാവുവിനെ ആശുപത്രിയില്‍ പ്രവേശിപ്പിച്ചത്. വെള്ളിയാഴ്ച പുലര്‍ച്ചെ ഒരുമണിയോടെയാണ് സംഭവം. യശോദ ആശുപത്രിയില്‍ ചികിത്സയിലുള്ള അദ്ദേഹത്തിന്റെ ഇടുപ്പെല്ലിന് വീഴ്ചയില്‍ പൊട്ടലുണ്ടായെന്നും ശസ്ത്രക്രിയ ആവശ്യമാണെന്നും ഡോക്ടര്‍മാര്‍ അറിയിച്ചു.
തെലങ്കാനയില്‍ തെരഞ്ഞെടുപ്പ് പരാജയത്തിനുശേഷം കഴിഞ്ഞ മൂന്നുദിവസമായി തന്റെ വീട്ടില്‍വെച്ച് പ്രവര്‍ത്തകരും ജനങ്ങളുമായി ആശയവിനിമയം നടത്തിവരുകയായിരുന്നു അദ്ദേഹം
2014ല്‍ തെലങ്കാന സംസ്ഥാനം രൂപവത്കരിച്ചതുമുതല്‍ കെ.സി.ആര്‍ ആയിരുന്നു മുഖ്യമന്ത്രി. എന്നാല്‍ ഇക്കഴിഞ്ഞ നിയമസഭാ തെരഞ്ഞെടുപ്പില്‍ അദ്ദേഹത്തിന്റെ ബിആര്‍എസ്സിനെ തകര്‍ത്തുകൊണ്ട് കോണ്‍ഗ്രസ് അധികാരത്തിലേറി.
English Summary: Former Telangana CM K Chandrashekar Rao suffers hip fracture after fall, hospitalised
You may also like this video
