സനാതന ധർമ്മത്തെ എച്ച്ഐവിയുമായി താരതമ്യം ചെയ്ത് മുന്‍ കേന്ദ്രമന്ത്രി

മന്ത്രിയും ഡിഎംകെ നേതാവുമായ ഉദയനിധി സ്റ്റാലിന് പിന്നാലെ സനാതന ധര്‍മ്മം വിഷയമാക്കി മുന്‍ കേന്ദ്രമന്ത്രിയും ഡിഎംകെ നേതാവുമായ എ രാജ.

സനാതന ധര്‍മ്മത്തെ ഉദയനിധി സ്റ്റാലിൻ മൃദുവായാണ് സമീപിച്ചത്. മലേറിയയുമായും ഡെങ്കിപ്പനിയുമായാണ് ഉദയനിധി സ്റ്റാലിന്‍ അതിനെ താരതമ്യം ചെയ്തത്. എന്നാൽ ഇത് എച്ച്ഐവിയുമായോ കുഷ്ഠരോഗവുമായോ ആണ് താരതമ്യം ചെയ്യേണ്ടതെന്ന് എ രാജ പറഞ്ഞു. ഇതൊരു സാമൂഹിക തിന്മയായി കാണണമെന്നും അദ്ദേഹം ഒരു പൊതു പരിപാടിയിൽ പറഞ്ഞു. വിഷയത്തിൽ തുറന്ന സംവാദത്തിന് പ്രധാനമന്ത്രി നരേന്ദ്ര മോഡിയെയും കേന്ദ്ര ആഭ്യന്തര മന്ത്രി അമിത് ഷായെയും അദ്ദേഹം വെല്ലുവിളിച്ചു.

പൂജാരിമാര്‍ അടങ്ങുന്ന 10 ലക്ഷമോ ഒരു കോടിയോ അനുഭാവികളും നിങ്ങളുടെ എല്ലാ ആയുധങ്ങളുമായി ഡൽഹിയിൽ എന്നോടൊപ്പം സനാതന ധർമ്മത്തെക്കുറിച്ച് സംവാദം നടത്താൻ നിങ്ങൾ വരൂ. പെരിയാറിന്റെയും അംബേദ്കറിന്റെയും പുസ്തകങ്ങളെ ആയുധമാക്കി ഞാൻ നിങ്ങളെ നേരിടാം. തീയതി നിശ്ചയിക്കുക, ഞാൻ വരാൻ തയ്യാറാണ്, ”അദ്ദേഹം പറഞ്ഞു.

സനാതന ധര്‍മ്മം ഡെങ്കിയെയോ മലേറിയയേയോ പോലെ ഉന്മൂലനം ചെയ്യേണ്ട ഒന്നാണെന്ന ഉദയനിധി സ്റ്റാലിന്റെ പ്രസ്താവന വന്‍ വിവാദമായിരുന്നു.

Eng­lish Sum­ma­ry: For­mer Union Min­is­ter com­pares Sanatana Dhar­ma with HIV

You may also like this video