കരിപ്പൂരിൽ വിമാനമിറങ്ങിയ കോഴിക്കോട് സ്വദേശിയെ കാണാതായതായി പരാതി. കോഴിക്കോട് പയ്യോളി കീഴൂർ ഐശ്വര്യയിൽ കളരിയുള്ളതിൽ രാമകൃഷ്ണന്റെ മകൻ പ്രദീഷിനെയാണ് (45) കാണാതായത്. ഷാർജയിൽ കുടുംബത്തോടൊപ്പം താമസിക്കുന്ന പ്രദീഷ് ആരോടും പറയാതെ സെപ്റ്റംബർ 22ന് നാട്ടിലേക്കു വരികയായിരുന്നു. എന്നാൽ ഇയാള്‍ ഇതുവരെ വീട്ടിൽ എത്തിയിട്ടില്ല. വ്യാഴാഴ്ച രാത്രി വിമാനമിറങ്ങിയ പ്രദീഷ് മാസ്കും നീല ഷർട്ടും കറുപ്പ് പാന്റ്സും ധരിച്ച് പ്രധാന കവാടത്തിലൂടെ പുറത്തേക്കുവരുന്ന ദൃശ്യങ്ങൾ വിമാനത്താവളത്തിലെ സിസിടിവിയിൽ പതിഞ്ഞിട്ടുണ്ട്. പ്രദീഷ് രണ്ടു ദിവസമായിട്ടും എത്താത്തതിൽ വീട്ടുകാരും ഷാർജയിലുള്ള പ്രദീഷിന്റെ കുടുംബവും ആശങ്കയിലാണ്. പിതാവിന്റെ പരാതിയിൽ കരിപ്പൂർ പൊലീസ് കേസെടുത്ത് അന്വേഷണമാരംഭിച്ചു.
English Summary: Four days after landing in Karipur: Family says Pradish has not reached home yet
You may like this video also
