രാജസ്ഥാനിലെ അൽവാറിലെ ബഹദൂർപൂരില്‍ മുസ്ലിം പള്ളിക്ക് തീയിട്ട സംഭവത്തിൽ നാല് പേര്‍ അറസ്റ്റില്‍. പ്രതികളിൽ അൽവാറിലെ പ്രധാന ബിജെപി നേതാവും ഉള്‍പ്പെടുന്നു.
സംഭവത്തില്‍ 50 പ്രദേശവാസികൾക്കെതിരെ പൊലീസ് എഫ്ഐആര്‍ രജിസ്റ്റർ ചെയ്തിട്ടുണ്ട്. പ്രതികളിലൊരാളായ രമൺ ഗുലാത്തി ബിജെപിയുടെ അൽവാർ ഡിവിഷന്റെ മുൻ ഉപജില്ലാ തലവൻ കൂടിയാണ്. രമണും അനുയായികളും ‘ജയ് ശ്രീറാം’ വിളിച്ചുകൊണ്ട് മോസ്കിനുനേരെ ആക്രമണം നടത്തുകയായിരുന്നുവെന്ന് എഫ്ഐആറില്‍ പറയുന്നു. ഉപയോഗിക്കാതെ കിടന്ന മസ്ജിദില്‍ അടുത്തിടെയാണ് നാട്ടുകാര്‍ പ്രാർത്ഥന പുനരാരംഭിച്ചത്. കഴിഞ്ഞ 20ന് ഉച്ചകഴിഞ്ഞ് മൂന്ന് മണിയോടെ ജനക്കൂട്ടം മസ്ജിദ് പരിസരത്ത് തടിച്ചുകൂടുകയും പള്ളിക്ക് തീയിടുകയുമായിരുന്നു.
english summary;Four people who set the mosque on fire were arrested
you may also like this video;
