സമൂഹ മാധ്യമം വഴി പരിചയപ്പെട്ട സുഹൃത്തുമായുള്ള ചാറ്റിങ്ങ് നിര്‍ത്തിയതിനെ തുടര്‍ന്ന് പതിനൊന്നാം ക്ലാസ് വിദ്യാര്‍ത്ഥിനിക്കു നേരെ വെടിയുതിര്‍ത്തു. രണ്ടു പേര്‍ അറസ്റ്റിലായി. മുഖ്യപ്രതിയെ പൊലീസ് തിരയുന്നു. സമൂഹമാധ്യമം വഴി പെണ്‍കുട്ടിയെ പരിചയപ്പെട്ട അര്‍മാന്‍ അലിയാണ് സംഭവത്തിലെ മുഖ്യപ്രതി. രണ്ടുവര്‍ഷമായി പെണ്‍കുട്ടിയും അര്‍മാന്‍ അലിയും തമ്മില്‍ പരിചയമുണ്ട്. സമൂഹ മാധ്യമം വഴി ഇരുവരും ചാറ്റ് ചെയ്യാറുമുണ്ട്.
എന്നാല്‍ കഴിഞ്ഞ ആറു മാസമായി പെണ്‍കുട്ടി അര്‍മാന്‍ അലിയുമായുള്ള ചാറ്റിങ്ങ് നിര്‍ത്തിയിരുന്നു. ഇതേതുടര്‍ന്ന് രണ്ടു സുഹൃത്തുക്കളുമായി ചേര്‍ന്ന് അര്‍മാന്‍ അലി സ്‌കൂള്‍ വിട്ടു വരികയായിരുന്ന പെണ്‍കുട്ടിക്കു നേരെ നിറയൊഴിക്കുകയായിരുന്നു. സംഭവത്തില്‍ ബോബി, പവന്‍ എന്നിവരാണ് പിടിയിലായത്.
English Summary: friend shot at 16 year old girl arrested
You may also like this video
