കമന്റുകൾ ദുരുപയോഗം ചെയ്യുന്നതായി കണ്ടെത്തിയാൽ മുന്നറിയിപ്പ് നൽകുന്ന പുതിയ ഫീച്ചർ അവതരിപ്പിച്ച് യൂട്യൂബ്. നിയമങ്ങൾ ലംഘിച്ച് അധിക്ഷേപകരമായ കമന്റുകള്‍ ഇടുന്നയാളുകള്‍ക്ക് മുന്നറിയിപ്പ് നല്‍കുമെന്ന് കമ്പനി അധികൃതര്‍ അറിയിച്ചു. മാത്രമല്ല, ഒരു ഉപയോക്താവ് ഒന്നിലധികം അധിക്ഷേപകരമായ കമന്റുകൾ ഇടുന്നത് തുടരുകയാണെങ്കിൽ, അവർക്ക് ഒരു ടൈംഔട്ട് ലഭിക്കുകയും 24 മണിക്കൂർ വരെ താൽക്കാലികമായി കമന്റിടാൻ കഴിയാതിരിക്കുകയും ചെയ്യും.
ഇത്തരം നിയന്ത്രണങ്ങള്‍കൊണ്ടുവരുന്നത് നിയമലംഘനങ്ങള്‍ക്കുള്ള സാധ്യത കുറക്കുമെന്നാണ് അധികൃതരുടെ പ്രതീക്ഷ. ഉപയോക്താക്കൾക്ക് കൂടുതൽ സുതാര്യത നൽകുകയും ഞങ്ങളുടെ കമ്മ്യൂണിറ്റി മാർഗ്ഗനിർദ്ദേശങ്ങൾ മനസ്സിലാക്കാൻ അവരെ സഹായിക്കുകയും ചെയ്യുക എന്നതാണ് ലക്ഷ്യമെന്നും കമ്പനി അധികൃതര്‍ പറഞ്ഞു.
നിലവിൽ, അബ്യൂസീവ് കമന്റ് ഡിറ്റക്ഷൻ ഫീച്ചർ ഇംഗ്ലീഷ് കമന്റുകൾക്ക് മാത്രമേ ലഭ്യമാകൂ, എന്നാൽ സ്ട്രീമിംഗ് പ്ലാറ്റ്‌ഫോം ഭാവിയിൽ കൂടുതൽ ഭാഷകൾ ഉൾപ്പെടുത്താൻ ലക്ഷ്യമിടുന്നു. സ്പാം തിരിച്ചറിയുന്നതിനും നീക്കം ചെയ്യുന്നതിനുമായി ഓട്ടോമേറ്റഡ് ഡിറ്റക്ഷൻ സിസ്റ്റങ്ങളും മെഷീൻ ലേണിംഗ് മോഡലുകളും മെച്ചപ്പെടുത്തുന്നതിനായി പ്രവർത്തിക്കുകയാണെന്ന് കമ്പനി അറിയിച്ചു.
ഈ വര്‍ഷം ആറ് മാസത്തിനുള്ളിൽ 1.1 ബില്യണിലധികം സ്പാം കമന്റുകൾ നീക്കം ചെയ്തതായി കമ്പനി അവകാശപ്പെട്ടു.
English Summary: From now on, if you make bad comments, you will be caught: YouTube is ready to take action
You may also like this video
