സ്ക്രൂ ഡ്രൈവറും സർജിക്കൽ ബ്ലേഡും ഉപയോഗിച്ച് യുവാവിനെ പരിക്കേല്‍പ്പിച്ചു. ഓട്ടോ ഡ്രൈവറായ കിള്ളി തെക്കുംകര വീട്ടിൽ നിസാമിനു നേരെ ഇന്നലെ രാത്രി മേച്ചിറ പാലത്തിന് സമീപത്തു വച്ചാണ് ആക്രമമണമുണ്ടായത്.
വീട്ടിൽ നിന്നും സമീപത്തെ ചായക്കടയിലേക്ക് വന്നിരുന്ന നിസാമിനെ ബൈക്കിലെത്തിയ അഞ്ചംഗ സംഘം സ്ക്രൂ ഡ്രൈവർ കൊണ്ട് കുത്തുകയും സർജിക്കൽ ബ്ലെയിഡുകൊണ്ട് ശരീരത്തിലാകെ മുറിവേൽപ്പിക്കുകയുമായിരുന്നു. നെഞ്ചിലും തോളിലും കഴുത്തിലും പുറത്തും സാരമായി പരിക്കേറ്റിട്ടുണ്ട്. മെച്ചിറ ഭാഗത്തുവച്ച് കഴിഞ്ഞ ദിവസവും നിസാമിനുനേരെ ആക്രമണമുണ്ടായിരുന്നു. ഇതു സംബന്ധിച്ച് കാട്ടാക്കട പൊലീസിൽ പരാതി നൽകിയതാണ്. ഇതിനിടെയാണ് വീണ്ടും ആക്രമണം ഉണ്ടായത്.
English Sammury: gang attack: youth was injured with a screw driver and a surgical blade
