ജോലി തേടി എത്തിയ പതിനാറുകാരിയായ പെണ്‍കുട്ടിയെ ഒരുവര്‍ഷത്തോളം തടവിലാക്കി കൂട്ട ബലാത്സംഗം ചെയ്തു. ഉത്തര്‍പ്രദേശിലാണ് സംഭവം. സംഭവത്തില്‍ മഥുര ബാംഗ്ലൂർ എന്നിവിടങ്ങളിൽ നിന്നായി ഒരു സ്ത്രീ ഉൾപ്പെടെ നാല് പേരെ അറസ്റ്റ് ചെയ്തു.
ഛത്തീസ്ഗഡിലെ ജാൻജ്ഗിർ ചമ്പ ജില്ലയില്‍ നിന്ന് ജോലിക്കായെത്തിയതാണ് പെണ്‍കുട്ടി. സുഹൃത്താണ് പെണ്‍കുട്ടിക്ക് ജോലി വാങ്ങിത്തരാമെന്ന് പറഞ്ഞ് ഉത്തര്‍പ്രദേശ് സ്വദേശിക്ക് വില്‍ക്കാൻ സഹായിച്ചത്. 80,000 രൂപയ്ക്കാണ് പെൺകുട്ടിയെ വിറ്റത്. 18 തികഞ്ഞതായി വരുത്തിത്തീർക്കാൻ വ്യാജ ആധാർ കാർഡും ഉണ്ടാക്കി. അപ്പോഴേക്കും കുട്ടിയെ കാണാനില്ലെന്ന് വീട്ടുകാർ പരാതി നൽകിയിരുന്നു. ഉത്തർപ്രദേശ് സ്വദേശിയും ഇയാളുടെ സഹോദരനും ചേർന്ന് പതിനാറുകാരിയെ ആവർത്തിച്ച് ബലാത്സംഗം ചെയ്തു. ഒരു വർഷത്തോളം ഭീകരത തുടർന്നതായി പൊലീസ് പറയുന്നു.
ഒടുവില്‍ പെൺകുട്ടി ചൈൽഡ് ലൈനുമായി ബന്ധപ്പെടുകയും ശിശു സംരക്ഷണ ഉദ്യോഗസ്ഥരുടെ ഒരു സംഘം രക്ഷപ്പെടുത്തുകയുമായിരുന്നു.
English Summary:gang raped for a year 16 year old girl rescued from-mathura
You may also like this video
