പണപ്പെരുപ്പവും വൈദ്യുതി പ്രതിസന്ധിയും രാജ്യത്തിന്റെ ജിഡിപി വളര്‍ച്ചയെ പ്രതികൂലമായി ബാധിക്കുമെന്ന് ആഗോള ധനകാര്യ ഗവേഷണ സ്ഥാപനമായ യുബിഎസ്. ഇന്ത്യയുടെ 2022–23 സാമ്പത്തിക വര്‍ഷത്തെ വളര്‍ച്ചാ പ്രവചനം ഏഴ് ശതമാനമായി വെട്ടിക്കുറച്ചു. 70 ബേസിസ് പോയിന്റിന്റെ കുറവാണ് വരുത്തിയിരിക്കുന്നത്.
ഇറക്കുമതിയിലൂടെയാണ് ഇന്ത്യ 80 ശതമാനം എണ്ണ ആവശ്യങ്ങളും നിറവേറ്റുന്നത്. ഇത് രാജ്യത്തിന്റെ വ്യാപാരവും കറന്റ് അക്കൗണ്ട് കമ്മിയും വര്‍ധിപ്പിക്കുകയും രൂപയെ ബാധിക്കുകയും ഇറക്കുമതിയിലൂടെ പണപ്പെരുപ്പം വര്‍ധിപ്പിക്കുകയും ചെയ്യുന്നുവെന്ന് യുബിഎസ് ചൂണ്ടിക്കാട്ടി.
ഉക്രെയ്ന്‍ പ്രതിസന്ധിയ്ക്കൊപ്പം വിതരണ തടസങ്ങളും വര്‍ധിച്ചുവരുന്ന പണപ്പെരുപ്പ അപകടസാധ്യതകളും ചൂണ്ടിക്കാട്ടി ഇന്ത്യയുടെയും ദക്ഷിണേഷ്യയുടെയും സാമ്പത്തിക വളര്‍ച്ചാ പ്രവചനം ലോകബാങ്കും ഐഎംഎഫും കഴിഞ്ഞദിവസം വെട്ടിക്കുറച്ചിരുന്നു.
English summary;GDP growth in the country will slow
You may also like this video;
