മലപ്പുറത്ത് സ്കൂള് വിട്ടുവന്ന പതിമൂന്നുകാരി ആത്മഹത്യ ചെയ്ത സംഭവത്തില്‍ 21കാരന്‍ അറസ്റ്റിലായി. ചെര്‍പ്പുളശ്ശേരി സ്വദേശി മുഹമ്മദ് റഫീഖിനെയാണ് മേലാറ്റൂര്‍ പോലീസ് അറസ്റ്റ് ചെയ്തത്. പോസ്റ്റ്മോര്‍ട്ടത്തില്‍ കുട്ടി ലൈംഗികാതിക്രമത്തിന് ഇരയായിട്ടുണ്ടെന്ന് പൊലീസ് കണ്ടെത്തിയിരുന്നു.
സംഭവത്തില്‍ അസ്വാഭാവിക മരണത്തിന് പൊലീസ് കേസെടുത്തിരുന്നു. തുടര്‍ന്ന് പോക്സോ കേസും രജിസ്റ്റര്‍ ചെയ്തു.
സ്കൂള് വിട്ട് വീട്ടില്‍വന്നയുടനെ തന്നെ പെണ്‍കുട്ടി തന്റെ മുറിയില്‍ ആത്മഹത്യ ചെയ്യുകയായിരുന്നു. അന്വേഷണത്തില്‍ മുഹമ്മദ് റഫീഖ് പലതവണ ലൈംഗികാതിക്രമത്തിന് ഇരയാക്കിയിരുന്നെന്നും ഇതില്‍ മനംനൊന്താണ് കുട്ടി ആത്മഹത്യചെയ്തതെന്നും പൊലീസ് കണ്ടെത്തി. പെരിന്തല്‍മണ്ണ കോടതി പ്രതിയെ റിമാന്‍ഡ് ചെയ്തു.
English Summary: girl commits s uicide at house; accused arrested
You may also like this video
