കേരളത്തില് സ്വർണവില കുതിച്ചു ഉയരുന്നു. ഗ്രാമിന് 1080 രൂപയുടെ വർധനയാണ് ഇന്നുണ്ടായത്. 16,395 രൂപയായി ഒരു ഗ്രാം സ്വർണത്തിന്റെ വില വർധിച്ചു. പവന്റെ വില 8640 രൂപ വർധിച്ച് 1,31,160 രൂപയായി ഉയർന്നു. 18 കാരറ്റ് സ്വർണത്തിന്റെ വില ഗ്രാമിന് 885 രൂപയും 14 കാരറ്റിന്റെ വില 690 രൂപയും വർധിച്ചു. ചരിത്രത്തിലാദ്യമായാണ് സ്വർണത്തിന് ഒരു ദിവസംഇത്രയും വലിയ വർധനവുണ്ടായത്.
സ്പോട്ട് ഗോൾഡിന്റെ വിലയിലും ഇന്ന് വൻ വർധനയുണ്ടായി. വില 2.6 ശതമാനം വർധിച്ച് ഔൺസിന് 5,538.69 ഡോളറായി ഉയർന്നു. യുഎസ് ഗോൾഡ് ഫ്യൂച്ചർ നിരക്കും ഉയർന്നിരിക്കുകയാണ്. യുഎസ് സമ്പദ്വ്യവസ്ഥയിൽ നിലനിൽക്കുന്ന അനിശ്ചിതാവസ്ഥയും ആഗോള വ്യാപാര പ്രതിസന്ധിയുമാണ് സ്വർണവിലയുടെ റോക്കറ്റ് കുതിപ്പിന് പിന്നിൽ. കഴിഞ്ഞ ദിവസവും സംസ്ഥാനത്ത് സ്വർണവില വർധിച്ചത്.