അഞ്ചു വ്യത്യസ്ത കേസുകളിലായി കരിപ്പൂർ വിമാനത്താവളത്തിൽ നിന്ന് മൊത്തം മൂന്നര കിലോയിലധികം തൂക്കം വരുന്ന സ്വർണ മിശ്രിതവും ഒരു വ്യക്തിയിൽ നിന്ന് 349 ഗ്രാം തൂക്കം വരുന്ന 24 കാരറ്റ് ആഭരണവും കോഴിക്കോട് കസ്റ്റംസ് പ്രിവന്റീവ് ഇന്റലിജൻസ് വിഭാഗം പിടിച്ചെടുത്തു. ഇവക്കെല്ലാം കൂടെ വിപണി മൂല്യം ഏകദേശം രണ്ടു കോടിയോളം വിലമതിക്കും.
ഇന്ന് രാവിലെ ഷാർജയിൽ നിന്ന് എത്തിയ വിമാനത്തിൽ വന്ന കാസർക്കോട് സ്വദേശിയിൽ നിന്നും 535.2 ഗ്രാം സ്വർണമിശ്രിതവും ദുബായിൽനിന്നും വന്നെത്തിയ രണ്ടു മലപ്പുറം സ്വദേശികളിൽ നിന്നും രണ്ടു കിലോയിലധികം തൂക്കം വരുന്ന മിശ്രിതവും കണ്ടെടുത്തു. രാത്രി വിമാനത്താവളത്തിലെ കസ്റ്റംസുദ്യോഗസ്ഥരും കോഴിക്കോട്, മലപ്പുറം കസ്റ്റംസ് പ്രിവന്റീവ് യൂണിറ്റുകളിൽ നിന്നുള്ള ഉദ്യോഗസ്ഥരും ചേർന്ന് നടത്തിയ സംയുക്ത പരിശോധനയിൽ ദുബായിൽ നിന്നും വന്നെത്തിയ ഒരു യാത്രക്കാരനിൽ നിന്നും 800 ഗ്രാം തൂക്കം വരുന്ന സ്വർണമിശ്രിതവും കാസർക്കോട് സ്വദേശിയിൽ നിന്ന് 147 ഗ്രാം തൂക്കം വരുന്ന സ്വർണമിശ്രിതവും കണ്ടെടുത്തു. മറ്റൊരു വിമാനത്തിൽ വന്നെത്തിയ യാത്രക്കാരനിൽ നിന്നും 349 ഗ്രാം തൂക്കം വരുന്ന 24 കാരറ്റ് സ്വർണാഭരണങ്ങളും കണ്ടെടുത്തു.
English Summary:Gold worth Rs 2 crore seized in Karipur
You may also like this video
