തൃപ്പുണിത്തുറ പേട്ടയിൽ യൂബര് ടാക്സി കാര് കാനയിൽ വീണു. ഗൂഗിള് മാപ്പുമിട്ട് പോകുന്നതിനിടെയാണ് റോഡിനോട് ചേര്ന്നുള്ള കാനയിലേക്ക് കാര് വീണത്. പേട്ട താമരശേരി റോഡിൽ വെച്ചാണ് അപകടം നടന്നത്. കാനയും റോഡും തിരിച്ചറിയാൻ കഴിയാത്ത വിധം സ്ഥലത്ത് വെള്ളം കയറിയിരുന്നു. ഇതിനിടെയാണ് സ്ഥലപരിചയമില്ലാത്ത യൂബര് ഓണ്ലൈൻ ടാക്സി ഡ്രൈവര് അപകടത്തിൽപ്പെട്ടത്. യാത്രക്കാരനെ ഇറക്കിയശേഷം പേട്ടയിലൂടെ വരികയായിരുന്നു. വഴിയാണെന്ന് തെറ്റിദ്ധരിച്ച് കാര് തിരിച്ചപ്പോഴാണ് കാനയിലേക്ക് വീണത്. ഡ്രൈവര് കാറിൽ നിന്നിറങ്ങി രക്ഷപ്പെടുകയായിരുന്നു. പുലര്ച്ചെ ആറുമണിയോടെയാണ് അപകടമുണ്ടായത്. റിക്കവറി വാഹനം ഉപയോഗിച്ചാണ് കാർ പുറത്തെടുത്തത്.
ഗൂഗിൽ മാപ്പ് ചതിച്ചു; യൂബര് കാര് നേരെ വീണത് കാനയിലേക്ക്
