കെഎസ്ആര്ടിസിക്ക് സര്ക്കാര് സഹായമായി 93.73 കോടി രൂപകൂടി അനുവദിച്ചതായി സംസ്ഥാനധനകാര്യ മന്ത്രി കെ എന് ബാലഗോപാല് അറിയിച്ചു. പെന്ഷന് വിതരണത്തിനായി 73.73 കോടി രൂപയും, മറ്റ് കാര്യങ്ങള്ക്കുള്ള സാമ്പത്തിക സഹായമായി 20കോടി രൂപയുമാണ് അനുവദിച്ചത്. ഈ സര്ക്കാരിന്റെ കാലത്ത് 6401കോടിയോളം രൂപയാണ് കെഎസ്ആര്ടിസിക്ക് സര്ക്കാര് സഹായമായി ലഭിച്ചത്.
കഴിഞ്ഞ സാമ്പത്തിക വർഷം ബജറ്റിൽ അനുവദിച്ചിരുന്ന 900 കോടി രൂപയ്ക്കുപുറമെ 676 കോടി രൂപ അധികമായി ലഭിച്ചിരുന്നു. ഈവർഷം ഇതിനകം 343 കോടി രൂപ സർക്കാർ സഹായമായി കോർപറേഷന് ലഭിച്ചുവെന്നും ധനകാര്യമന്ത്രി കെ എൻ ബാലഗോപാൽ പറഞ്ഞു.